半夜三更感性少少 我知道可能大家都未必識我 或者唔知我咩料 但係想講嘅係 依家好容易睇到我live 就好好珍惜啦 遲啲我一定會一飛沖天 紅到上國際 超越王嘉爾係我其中一個目標 到時候好難會再喺香港見到我㗎啦 我就係為舞台而生嘅男人 我會不斷超越自己 提高標準 無論你支唔支持我都好啦 我都一定會努力做好 可以代表香港嘅rapper衝上國際令全世界都識我 知道香港都有一個好厲害嘅rapper 見到劍擊都攞到奧運冠軍 我就知冇咩係冇可能 我從來都唔覺得自己懷才不遇 我覺得一切都係上天最好嘅安排 所以我好感恩 我依然仲堅持緊做音樂 俾啲時間我 可能你覺得我諗法幾黐線但係我覺得人生得一次 你唔夠膽試吓點知自己極限去到邊我好想靠自己證明其實香港人都得 另外都想同一啲唔鍾意我嘅人講 多謝你地咁關注我 請你地繼續討厭我 因為有你哋 我先會有壓力迫自己做得更好 所以放長雙眼 人生係一場馬拉松 冇人知道最後結果係點 同時我都希望你哋人生可以過得更好 我並唔恨任何人 所有嘅挫折同經歷必會成為我養分 致所有有夢想嘅年輕人 有啲嘢想做就去做，唔係就會有遺憾 加油 當你付出一定嘅努力上天一定會見到