我知道大家睇完動畫版今季《我英》都好感動覺得好好睇，但作為原作黨，純粹個人意見…… 其實後面真係好無聊，重重複複，反派完全冇魅力，奸角同不斷毫無理由地變強，打完再打，如果係每個禮拜追，真係會覺得好煩躁。去到後期，配角嘅故事已經好睇過主線，始終大家都要有成長有改變，奸角同主角已經純粹淪為不斷延續劇情嘅工具。 個結局係感動嘅，但係其實早兩年已經可以完，當然都明白商業價值咁高好難話完就完。 而《我推》，今季好多人都話冇上季咁好睇，咁動畫工房嘅製作始終加咗好多分，《我推》劇情上，只係用復仇路線嚟推進娛樂圈科普呢一個真正嘅主題，復仇劇情基本上，好多fans都係一路睇一路笑鳩。 原作就嚟完結，《我推》嘅劇作家赤阪明，延續佢「開局超強，初期精彩，後期拖戲，結局偏向爛尾」嘅路線，睇嚟《我推》都係救唔返。 以上純粹個人意見，如果大家係睇動畫入坑《我英》同《我推》，如果做好期望管理，唔好覺得劇情咁重要，純粹當睇製作睇畫面，拋開任何劇情邏輯去欣賞就會開心好多。 畢竟，如果你好投入去睇條主線劇情，其實都幾難受。 所以你話《排少》嘅fans係幾咁幸福，原作同動畫製作都只會帶來美好回憶。