準備分手的Day 4 今日開始進入一個釋然嘅狀態 琴晚同sis傾完之後 突然間想睇返以前嘅相 原來我哋係有過快樂嘅時光 生活嘅瑣碎事、工作嘅壓力，慢慢磨蝕對生活嘅熱情 生活步伐唔一致、價值觀唔同 一個合適嘅伴侶同一份工有啲似 你入到一間名氣人工有返咁上下嘅公司 點知發現價值觀唔同、同事相處唔到 你諗住返正都入咗，為咗職場上嘅道德只好點都做一年啦 呢一年你好努力去做工，強迫自己融入嗰圈子 到頭來都係唔work㗎，公司唔會因為你嘅存在，而做事手法唔同咗㗎 你想去Explore 新嘅機會，但又怕下份工更差，又擔心自己係度既努力白費咗 一直不停喺度磨，不停求神拜神，問幾時得到賞識，幾時嗰好討壓嘅同事會走 結果係你等嘅同時，浪費青春同下份工嘅機會，不停內耗 拍拖真係同返工好似，及早止蝕