英國職場 襯呢度冇人識，講下內心嘢。 到步兩個月左右就搵到全職倉工，咁啱個倉新開，所以唔使點見就請，入到去初頭都係hea,跟住開始執貨，有時啲經理叫我幫手上寫字樓做啲簡單文書野，見我熟手就問我做咩唔搵寫字樓工？我話英文差，而且對左電腦成二十年，想試吓其他。呢個答案一半係真心，一半係對自己冇信心。如事者都有幾個經理問過類似問題，我都係咁答。咁之後就繼續做倉務員執貨，頭幾個月真係攰到想死，全日8個鐘冇得坐，朝早瞓醒對腳板一掂地就痛，跟住慣咗就好好多，但要輪早中更就最慘，慣咗5點起身幾日後又要轉夜晚十點先放工。 留言續