以下內容純屬本人感覺 並不代表所有DJ的立場！ 我係深圳福田Coco Park某間酒吧嘅DJ 以下內容係本人真身經歷，去開酒吧嘅你如果見到呢篇文幫幫忙share出去俾各位知道 去開酒吧蒲嘅都知道星期日至到星期四係會好少人 因為第二日個個都返工返學，星期五六永遠都係酒吧最多人嘅時候 咁話說最近我照常週末返工，今日遇到一位好神奇嘅客人，香港人嚟嘅！ 有一下佢唔小心撞到我俾咗$100人民幣我😂 （事先聲明唔係我叫佢俾）（係佢主動俾） 然後又過嚟，但係今次過嚟係想點歌 講到呢度希望大家明白以下道理 想點歌，唔係唔得，但係需要滿足以下條件 1: DJ需要有嗰首歌嘅音樂檔案 （一般DJ所有音樂都係要經過一個程式去做手腳先可以有，碟機上面係冇任何嘅設備可以即刻上網搵呢首歌出嚟播） 2: 歌曲風格需要合乎酒吧要求 （唔同嘅音樂製作人有唔同嘅製作方式，所以每首歌嘅風格都唔同，而酒吧一般會有一個固定嘅音樂風格，如果兩首歌風格唔同，其他客人聽感都會有一種衝擊） 3:歌曲熱門度 （唔同嘅酒吧唔同嘅DJ都有屬於自己播放開嘅音樂年代歌曲，嗰首歌嘅熱門度假設DJ認為大部份客人都冇聽過就一定唔會播出嚟）