1. 語言嘅發聲位置: 廣東話平時講嘢時本身嘅發聲位置係比較前。同英文對比，平時講英文本身嘅發聲位置係比較低。呢個可能係同本身個語言嘅韻母有關，英文本身嘅韻母都係a, e, i, o, u呢啲，發音位置比較低，而且比較易發音，好容易project到把聲出嚟。但廣東話字本身嘅韻母難發，發聲位置比較前。正因為呢個唔同語言發聲位置嘅一啲慣性，唱英文會比較易去搵到一啲chest support，唱出嚟都易發力啲，而唱廣東話就難搵support同共鳴位，成日唔知個發聲位置邊度先係最好，唱出嚟難發力