我是如何成為一位花藝師的？💐 疫情前，一直以為自己會做空姐做到退休 一個疫情導致冇工開然後去學花 初次接觸花藝遇到好好的老師 她會無私地分享關於花的所有 令我懂花、愛花 所有嘢就係這樣自然和純粹 然後一邊返正職朝九晚五，一邊同時間接單 那時侯，花藝仲係我既副業 好記得放咗工仲要仆出去花墟買花 做到夜晚11、12點第二朝六點幾又起身返工～ 就連做好嘅單都係每一朝早攞埋返公司，然後搵送貨員攞花去送🤣 呢種生活大概維持咗一年半 有一日發現自己原來有一班不停支持自己嘅熟客 感覺係時候了 就決定豁出去辭咗份工，正正式式全程投入喺花藝路上🥹 一直以嚟我都冇諗咁多 只係默默地努力地做好每一件作品 依家偶爾都會同啲熟客傾吓偈 發覺原來好多人都欣賞自己做嘅嘢 係真係好開心 好多謝大家咁支持我🥹🙌🏻 最後，想送上呢札心形花束俾大家🫶🏻🩷