上回講到決定左地點係韓國之後 就開始計劃離開日期 由於屋企連續三年都有親人過身 我想花多d時間俾佢地過渡下 唔係話走就走 所以定左2016年5月尾過去 好彩2015年已經係可以上網搵資料嘅年代 第一件事係睇下有咩工可以做 話哂都係working holiday working係佔一半比重😆 喺香港20歲讀完中七就出黎做野 有9年工作經驗 但人搵工，工搵人 尤其是去到外國人生路不熟 睇定d好d嘅 咦？俾我發現 原來AirXnX個普通話專線係base韓國 哈哈哈哈哈哈哈 知道嗰下個心即刻定左 我嘅工作經驗主要集中喺CS 做過私家醫院同機場地勤 默默記低，呢份工係首選！ 然後再睇下其他工作 都係d旅遊區sales/民宿打工之類嘅野 初步計劃係 full time做AirXnX call centre半年儲錢 再part time其他工返三日玩四日 有工返有得玩😆 回想起都覺得自己執行力勁勁勁強😏