我談的哪場戀愛 同同事傾計，講《武替道》，美國學者大衛·博維爾David Bordwell曾形容港產片是「盡皆過火，盡是癲狂」(All Too Extravagant，Too Gratuitously Wild) 。我話呢部戲令我諗起香港人嗰種顛狂，其實唔止係劇情上，而對想做到想既事情嗰種投入。 今次睇《我談的那場戀愛》，又一次睇到嗰種顛狂。嗰種對生活無力感，對詐騙集團既想像力，竟然可以化做一齣純愛電影。 而集團既道具手足，又啱啱其實就對應《無雙》講既野，只係無好老土咁講出黎。 吳君如係做一個52歲既角色，我最近先知佢差唔多60。佢有個喺街開心遊蕩既鏡頭，係正。 我細個已經睇佢，《望夫成龍》《猛鬼大廈》仲有《家有囍事》，而真係覺得佢演得好，我會數《愛君如夢》《江湖告急》《得閒炒飯》同呢部。咁我算唔算好鍾意佢？ 講開《江湖告急》其實真係百看不厭，「白先生」當時既演出，直頭係震撼。 鄧麗欣係好睇。 張天賦除左靚仔，今次係有層次有發揮。 郭爾君係亮麗。 一套戲，唔止係講戀愛，仲覺覺得談左好多唔同既愛，絕！ 我談的那場戀愛