氣溫高咗少少咁多：32度 濕度濕咗少少咁多：85% 藍天白雲，曬到hi hi 冇諗過我嘅第一次初馬會係32度進行🥹 25K左右開始出現好似幻覺咁，keep住叫自己繼續唔好停。 其實今朝都有啲騎呢嘢發生。。。😂 去到起點肚子痛等廁所等咗好耐。。。點知全馬鳴槍我都仲喺度排緊隊，個肚好唔舒服。去完洗手間我問啲工作人員佢就話喺呢度開始，所以我好心急開咗錶，點知發覺唔對路點解仲有咁多人企喺度嘅，一路向前行一路問，原來起點喺再前面嘅位置，但係因為佢洗手間遲咗，起點位置已經排滿半馬參賽者仲有大概2分鐘半碼就開始，所以企到水洩不通，好在有一啲好心人幫叫其他人俾我先走。。。就係咁樣花咗一啲時間喺一大堆半馬嘅人當中，走到起點開跑起點位置。 我開始跑嗰一刻司儀話：最後一位全馬參賽者起跑啦，然後好多半馬選手為我拍掌🤣，勁樣衰。。。Pacer 都已經跑走晒🫢 我開錶嘅地點起碼距離起點有500米，仲要花咗都幾長時間先可以從半馬嘅人群當中攝到去起點跑返出去。 今次嘅經歷獲益良多🙏🏾