當ESSEN返嚟之後，真係開啟咗地獄試Game模式。今年嘅遊戲水準好高，咁多好Game入面，我最鍾意嘅就係呢隻《Shaxkleton Base: A Journey to the Moon》。 呢隻係一隻以太空喺月亮建立基地為主題嘅工人放置遊戲，真係好有誠意。佢用三個職業嘅Worker Placement系統貫穿成個遊戲，加上七間唔同嘅月球開發公司，每場game只會用三間，組合唔同，遊戲體驗都唔同。 呢個Worker Placement嘅Twist真係幾特別，擺位同張力衍生出好多變化。從月球基地設置，到放工人做唔同行動嘅先後次序，再到搶回收工人，樣樣都要爭。 玩家互動非常夠，呢隻遊戲應該會排喺今年艾森遊戲嘅頭幾位。最有誠意嘅係嗰7間公司，連盒仔都整埋方便開game收game。佢絕對可以將呢啲變成唔同嘅Expansion，但佢就一次過俾晒你。 以策略思考空間嚟講，規則唔算複雜，睇本Rulebook嘅厚度就知啦。好想快啲有機會再開，試埋去其他月球開發公司會有乜嘢feel。