我在香港與新加坡生活的不同之處2 上次寫左6點，今篇繼續寫落去 7. 瑜伽裝束 係香港如果著一個瑜伽bra top加瑜伽褲就咁行出街，應該會俾人由街頭望到街尾 係新加坡每日都會見到有女仔着住瑜伽bra top加瑜伽褲咁行出街，甚至配一對人字拖 8.日常飲食 喺香港如果想慳錢，通常都係自己煮飯食 喺新加坡去hawker centre 買飯食，仲平過買餸煮飯食 9. 廁紙 喺香港買嘅廁紙通常都係一卷卷獨立包裝 喺新加坡買嘅廁紙通常都係冇獨立包裝兼且好薄身 10.請工人 香港請個工人平均4000幾$5000一個月 新加坡最平請一個工人只係$3000港紙 不過如果你係外國人，或沒有擁有小孩或老人，就要額外比多大約$1800港紙嘅稅 11.睇急症（公立醫院） 喺香港半夜有咩事衝急症，多人到等到第二朝都可能未有得睇 喺新加坡半夜衝急症，正常三至四個鐘，小人嘅時候一個鐘你就可以返到屋企 12.坐巴士 喺香港坐巴士，係以你上車嗰個站係收錢，即係頭站上車無論我坐一個站，定坐到終點站都係同一價錢 喺新加坡係按你嘅站數去收錢，所以我成日坐一個站巴士。 字數所限，寫住咁多先