上回講到睇定搵咩工好 心中大概有數就著手睇下屋 韓國租屋有兩個方法俾租金 第一個월세 係俾一筆按金，然後每個月俾租 退租就拎番按金 2015-6年物價大概係 300-800萬won按金，每個月再俾30-80萬won房租 第二個전세 係俾一大舊錢包租公，租一年 一年後就拎番嗰舊錢 一般係5000萬won以上先做到 所以我冇再睇🫣 好彩韓國都有租屋網 我喺香港就周圍睇下有咩選擇 同香港一樣，地區唔同，租金可以差好遠 本身見到複式單位好心動 下層係廁所廚房，閣樓係床 但一諗到冇阿媽打掃 要自己執野 就打消左呢個念頭😆 然後因應我上次講AirXnX嗰份工 個office喺首爾1號線近仁川嗰邊 然後平時去玩又集中喺2號線 所以就選定1、2號線嘅轉車站附近啦 返工、去玩感覺到幾方便😏 嗰個區我之前完全冇去過 唔知居住環境係點 惟有上網睇睇睇 有咩屋揀，價錢如何 不過我冇諗過網上租屋 因為屋真係要親眼睇先ok 喺呢段期間 我有同屋企人分享d租屋網d相 等佢地都參與下 又知道下我做緊咩 減低佢地嘅擔心 原來我咁多野想記低🤔 下篇再講實際去到點租屋