好少同人提起，有一個夢魘咁多年一直都揮之不去：我覺得自己應該911時已死左响NYC的。 話說我姑姐當年plan左同我去NYC，而冇記錯的話，果日行程去仲要係上WTC的。雖然結果係我因為想逃避留加拿大讀書走左返黎香港、加上果時搞簽證delay左，個trip最後係冇去到的。而就算當年真係去得成，又咁講都未必咁準係嗰個時間又或者真係會死左。好似賺左23年，但同時我咁多年都好似過得好穩混沌咁。經歷唔開心嘢好多，同時都賺咗好多，亦慶幸遇到每個對我嚟講好重要嘅人同事。 仲有唔夠48個鐘，終於要再去NYC。當我係emo發作又好、飲大兩杯又好點都好，啲不安感同埋唔好嘅預感越嚟越強烈。我總係覺得會有大事喺呢程trip發生，而我覺得未必會咁好彩又避開到。當然我唔係希望自己有事，亦都想所有嘢順順利利搞掂平安完成任務返嚟。但有唔好嘅預感，咁我都係想將相講嘅嘢講定先。我冇後悔過呢世人任何一件事，我覺得自己賺晒㗎啦。真係Touch Wood有啲咩，我淨係想好似歌詞一樣啫： 遊玩時開心一點 不必掛念我 來好好給我活着就似最初 仍然在呼吸都應該要慶賀 如果想哭可試試對嘉賓滿座 說個笑話 紀念我