【自己點樣入坑TRPG .4 】 TRPG故事 本來只係三十秒就座完嘅𨋢，過咗幾分鐘依然冇任何反應。 「喂，你呢度部𨋢要搭咁耐嘅咩？」 「平時應該唔洗…」 「咁依家係…」 沉默佈滿成個空間，大家不約而同都諗緊—— 唔通我哋真係入咗「異世界電梯」？ 而就喺呢陣詭異嘅氣氛持績咗幾分鐘之後，𨋢門終於打開咗。 原本不存在嘅樓層、伸手不見五指嘅黑暗——— 邊可能會有。 𨋢門打開之後，冇咩無盡嘅黑暗，冇咩神秘女性，有嘅只係正常街道風景。 但至於點解部𨋢會停咗幾分鐘，呢個就真係到而家都唔知。 喺地鐵站解散咗之後，我哋喺Whatsapp group入面都話返到屋企記住報平安。 雖然依家睇返成件事好on9，但作為第一次跑團嘅故事嚟講，真係成世人都唔會唔記得。 如是這，中學最後嗰三年我哋偶爾約埋一齊跑下私人面團，有時又喺dc跑下語音團咁。 但由於當時我同另外幾個Fd有學會嘅活動要忙，同埋中六嗰年大家都要忙著prep DSE，扣扣埋埋嗰三年跑嘅團其實唔係好多。 而就喺中學畢業之後，我做咗人生其中一個重大決定——— 離開香港，去日本留學。 而呢件事某程度上改變咗我TRPG嘅生態。 （待續）