今日去剪頭髮， 因為以前剪開果個髮型師好遠。 想搵過個岩嘅真係好難， 所以成日區入面周圍試但又唔想太貴。 今日去番果間隔左成半年無去， 個髮型師剪剪下竟然認得我， 我諗佢係認得我啲頭髮😂 想講雖然香港做生意唔易做， 但基本禮貌禮儀都應該做好。 好似去茶餐廳咁， 掃code都唔緊要我鍾意添， 但啲侍應成日係到傾計又鬼咁大聲， 食客唔係好想聽到你地啲私事或者八卦野， 我只係想靜靜地食個靚早餐。 有幾個又口黑面黑， 見住我去收銀處埋單都唔理我， 即使唔係佢負責收， 係咪都叫另一個去收錢？ 我嗌話收錢無所謂， 但我自己都做過樓面， 一眼關七都好正常要做。 又唔係一人睇檔。 所以我明啲人北上消費係點解， 係真係有原因。