「你要搞清楚呢件事對你係一個咩課題 其他冇答案 唔關你事嘅嘢 唔好再諗」 我認清左自己係一個好缺愛嘅人 會將假象以為係愛情 會做錯咁多決定 容許他人任意去羞辱我 都係想被愛 我承認自己嘅軟弱 係好難過係好多情緒反撲 但同時都好坦然 當跳左岀黎諗嘅時候其實所有嘢都好簡單 唔關我做咗啲咩事 只係我之前唔想面對 唔想承認自己sense到嘅嘢係真 唔想認清佢係個咩人 唔想面對離開後嘅要治療嘅傷口 為所有事揾藉口 以為自己苦盡真係會甘來 當理解一直以黎所有野都係冇意義之後 連最後迫自己繼續嘅理由都冇了 再痛苦都好呢個狀況終於完 會痛至少證明呢段時間我付岀嘅係真實同埋我依然係有心並活著嘅人 所以我不感到可恥 接落嚟所有嘢就交俾未來嘅自己 我相信你會做得好好