平時喺屋企掉垃圾都有做下簡單回收分類 因為附近冇綠在區區(要搭車先去到） 所以每次都係掉樓下回收箱 有時出完街沿途返屋企都唔經回收箱 就袋住返到樓下先掉 上一次做緊分類嘅時候 清潔姐姐咁啱經過 叫我俾手上嘅膠佢 我心諗佢可能直接喺垃圾站再做分類？ 心裏面有少少懷疑 但又諗應該唔會啩  到啱啱我又拎一大袋落去回收 清潔姐姐又係咁啱經過 當我放晒所有嘢落回收箱之後 佢直接打開個箱將一大袋塑膠倒晒落垃圾桶 佢話佢哋都係當垃圾咁掉 內心其實有少少嬲 自問做環保唔算做得好足 但至少喺能力範圍內都會做一做 例如走飲管、走即棄餐具 盡量堂食少外賣 原來一直以來花時間去分類嘅物品 最後都係當垃圾咁掉 真係好無奈 我覺得整件事與清潔姐姐無關 而係政府或者社會根本冇提供資源去做分類回收 冇人嚟收回收物 就會一直囤積 最後只可以當垃圾咁掉 而家成日話要推環保 走塑膠用紙製用品 又話要環保徵費 就算有幾多政策都好 冇措施去配合 全部都係Bullshit