今朝hill run完，對腳好攰，但諗到返到公司有得坐就頓時覺得好幸福。我依家全日頂多係行幾轉去其他部門同埋不斷行去printer 拎嘢，最粗重嘅只係用輪椅推patient上ward（雖然有時啲patient體型大我好多而有點困難） 諗番當初轉行/轉依家份工嘅其中一個原因係有得坐，唔洗再好似以前咁企全日，甚至要自己一個人將7、8板pallets由一樓拖番去樓下舖頭。為嘅係咩？為咗保護對腳，延長對腳用嚟跑步嘅年期，所以講到尾，都係為咗跑步 我仍然每日盡責認真工作，但係工作以外，我只想留番啲時間生活同跑步，唔想再返番去放工仲要係到諗第二日嚟幾多貨，啲位點執，安排咩同事做啲咩（個性問題，個腦會停唔到咁諗）…所以都好感恩自己係澳洲，如果唔係，我應該會因為亞洲嘅社會文化壓力影響下而返番去做經理。工作只係生命一部分，真係唔應該俾佢佔據我咁多精神時間同能量