你地有冇試過鍾意一個人鍾意到卑微到極致？ 我有。（甚至係我人生中最自卑嘅日子） -佢隨口一句話呢首歌好聽 你就會去瘋狂loop(但你根本就0興聽日文歌） 但你話好聽嘅歌佢一首都冇聽過 -你係條街見到佢鍾意嘅character嘅產品 你會第一時間諗起佢然後唔小心買埋 （但佢從來都冇送過嘢比你） -情人節特登約佢出嚟去睇戲仲整埋曲奇 （整咗大半日 仲要話係送比朋友順便比佢試下味） 去到前兩日提佢但佢原來一直都記錯日子 -佢話覺得呢條裙好睇 襯你 你會9秒9即刻比錢（條裙$600 買完一次都冇著過） -佢話想睇嘅戲（你0興）你即刻話ok! 但你想睇嘅戲你求佢陪你睇10次佢都係say no -佢講過一次嘅嘢你都會記得 但你講過10次嘅嘢佢就係點都唔會記得 -約你去迪士尼 睇埋煙花 （第一次同男仔單獨去迪士尼） 就係想你再沉啲 FF多啲 -心情好咪同你日傾夜傾 心情唔好就直接人間蒸發 -你唔知佢鍾唔鍾意你 但你就好似比人落咗藥咁繼續鍾意佢 你鍾意佢鍾意到咁 但你就係一個名份都冇🤡 大家有咩可以留言補充🫂