我屋企係相反，但都係一個唔係幾開心嘅成長故事。 以前細個學長笛，參加管弦樂團，我爸都會俾（or俾錢）我去學。但當我係屋企練習果陣，佢又會笑我「無人聽你枝笛喎」「係咪大個去吹didar」「吹得咁甩咳不如收收皮先」 我知佢係想同我講下笑，想同我有溝通但唔識相處，惟有用呢啲說話去trigger話題；但當年仲讀緊小學嘅我，真係因為呢啲說話唔想再學。然後突然有一日就無再掂過枝笛lu。 然後係成長過程入面，我一直都係果個，想認真做野但更怕俾人笑嘅人。一路到出左黎做野先開始慢慢建立返啲自己嘅自信心。但有時心入面果個覺得做乜都會被訕笑，覺得自己做唔好果個細路，都會係腦波弱果陣出黎🥲