Neoplan Centroliner (AP) 2000-2002 (別名：老闆/利寶輪/先進/超時代巴士/聲粗） 2000年代另一隻德國車型 有人好鐘意 亦有人唔係咁鐘意 鐘意嘅人會話佢德國科技喺公路行雲流水 避震表現四平八穩 車架夠硬正 上層超大擋風玻璃視野極佳； 唔鐘意嘅人 會話佢德國科技就係不停出固障code 軚重 架車超嘈（歐2）開/閂門掣撳到手指痛... ↑以上都係事實嚟 鐘唔鐘意純屬個人喜好啦 性能方面： 呢批車據我所知 中年係加左料補強個陣 所以車身比較重 歐2嗰批就算配左大尾牙 一般而言上斜表現都係麻麻 歐3嗰批 用Voith箱嘅我印像幾好 力水都唔錯 用ZF嘅我覺得轉波好chok（聞說歐3呢款好似係九記第一批試新程式嘅6速 ZF Ecomat波箱？） 不過U廠歐3老闆 後期通常都留喺天廠元廠多 小弟屯門人其實都唔係揸過好多次 附上歐2 JV7191美孚加速上荔橋爬城記Cityflyer片段 老闆個波制寫1其實鎖2波 寫2嗰個就鎖3波 好似有師兄話佢哋比較容易甩波？ btw 以前老闆新車嗰時應該係有RAS的 唔知呢度會唔會有師兄揸過呢？