我十世都唔出去鑽石山果頭 有人約先出去 喺鑽石山地鐵站 見到個年輕男盲人拎住白杖好似好迷惘咁 我就問佢有咩幫手 佢: 小姐，請問c出口喺邊？ 我: 我帶你去啦 佢就扶實我手臂，我慢慢帶佢向前行 行行下 佢: 我想去廁所洗手，你可唔可以陪我？ 我: 我入唔到男廁喎 我帶你去殘廁 喺門口等你吧 佢: 點解你唔可以陪我入去呀 (佢個樣同聲線開始好激動) 我: 我始終係女仕，即使陪你入殘廁都唔方便 佢: 點解你唔肯幫我？淨係陪我洗手喳喎 我一再解釋，已經唔記得佢嗰陣時講啲咩 佢淨係好堅持想有人陪 不停問我點解拒絕佢呢個需求 咁我都有危機意識嘅 最後我用腳頂實殘廁度門，用隻眼”陪”佢洗手，佢即使視障，最後佢都成功洗到手嘅 然後佢又扶實我手臂，我帶佢想去嘅c出口 最後我目送佢身影，make sure 到佢安全出咗閘就繼續我自己行程。 果刻作為I人嘅我心情好複雜，喺我角度，我已經盡咗力幫佢。我感受到佢作為特殊人士，佢好似覺得全世界都要可憐佢，一定要幫佢，但另一方面，我又同情佢嘅恐懼都係來自長期不安感，好渴求身邊人關心。