升小遊戲 喺考小路上，虎兒有參加大型比賽(非豬肉獎）同埋考劍橋。有媽媽會同我講考 E D cert同比賽放落portfolio學校唔睇，虎媽有時真係覺得講呢啲嘢嘅人好膚淺。 虎媽想要嘅唔係放一個list 嘅獎落portfolio ，而係通過比賽同考試，知道虎兒係公海係咩學術水平。每間幼稚園學術程度唔一樣，如果有人問：你小朋友學術OK嗎？請問你用咩準則覺得係OK？但係通過唔同比賽，有冇拎到名次，你就會知道小朋友喺嗰一個學科，同出面一千幾百人相比佢係咩位置。然後喺準備嘅過程，你仲會知道自己小朋友嘅強弱地方，再加以輔導。同樣地劍橋考試需要聽說讀寫，每個level 慢慢練，就可以知道自己小朋友英語係係咩水平，而唔係單一地同人講：我小朋友睇緊ORT8。仲有：「我覺得小朋友好過同班嘅同學」都唔係一個指標，你只係喺井底睇呢個世界。 唔比賽，唔考試，可以直接買小一/小二練習做，做到又可以係一個指標。 唔好因為要整portfolio而考cert同比賽，而係因為考cert同比賽可以幫你提升學術，知己知彼。況且，虎兒學完又唔會俾返虎媽，全部都係小學要用嘅知識，why not? #小一面試