成日用阿Mo件事嚟鞭屍嘅人一直有一個盲點：佢哋12個出道以來一直畀傳媒追住嚟報，平時訪問咁多嘢講，甚至多到間唔中都會講錯嘢見報再畀傳媒同網民無限放大，點解偏偏發生咁大件事反而會12個一齊無乜點講？ 其實行內人或心水清啲都明，所有大公司發生咁大件事係一定會即刻搵律師開會商量點處理，隨時要準備進入法律程序，好自然公司就一起要佢哋封口，有啲公司嘅做法甚至乎要員工喺哩種情況下簽保密協議，為嘅都係怕佢哋哪怕只有一粒字講錯，人同/或公司都會有法律責任，輕則係大家聽最多嘅妨礙司法公正，重則直接影響審訊結果。 唔知當初公司有無要12個鏡仔簽啲乜，但都可以幾肯定實會提晒佢哋要封口。如果唔係平時成班一齊對住記者咁多嘢講，哩單嘢咁突然又罕見，佢哋身為當事人理應好多感受，點可能反而一個二個hang晒機無反應咁？ 不過我都明，任何一個外人，甚至行內人/法律界幫口解釋都唔會有用，因為都係嗰句：Haters gonna hate 利申：我正職係大集團小打雜，其中一瓣工作係要幫公司搵律師一齊處理法律嘢。