今日發生左一件好神奇既事 好耐已經無感受過情緒起伏 為既只係一件小事 . . . 食中飯茶記搭枱好正常姐 見到張6人枱，坐住2個人 咪隔個位坐落去 多野得制想放下書包 咪坐卡位 戈阿姨一野話「唔坐得」 緊係「吓」佢 佢話佢地3個人 我戈下完全make唔到sense 頂佢咁大長枱同我講3個人佔咁多位？ 要大位唔去食cafe黎食茶記？ 戈下99樣野想反駁 但係一時間太多都唔知講邊樣好 諗緊不如走啦以後唔食算 想走既時候比樓面叫左去第二度搭枱 條阿姨仲係度講我轉坐卡位睥住晒 我默默無出聲 我最唔明既係 佢地仲覺得自己好有道理 老闆埋佢同佢地講阻住做生意 最後老闆仲要同佢地講sorry 諗諗下 我如果走左唔食或者嘈 老闆都會少左生意 比錢戈陣私下同老闆講聲唔好意思麻煩到佢 見到老闆都一臉唔順超望佢地 同我講無事 至於戈阿姨同一齊食既人 物以類聚 咁既個性 應該係工作同生活都撞板多過食飯 默默祝福佢地 並且心中暗暗恥笑 . . 番到屋企既我反思到底情緒黎自邊度 我發現係當下咁多人咁樣比人講 其實係令我尷尬 其次好似遭人拒絕 就算係陌生人都會聯想到相似情景 雖然已經免疫 但都係暴擊…