英國生仔日記-10完結 今次又嚟咗第二個midwife佢勁冷靜答我is normal佢應該想🙄，我勁驚心諗做咩又打乞嗤又打思噎，佢又喊自己搞咗好耐都唔得佢話佢肚餓叫我俾啲奶佢試吓，我話我餵完佢唔係好耐咋喎，佢話佢個樣似肚餓，點知佢又真係飲多少少。 之後都有瞓吓醒吓終於到第二日六點食早餐，到八點老公又可以嚟探我啦感動🥲 中途護士每一次檢查，我就問佢幾時可以出院，佢哋話要等埋個血報告，明明我留咗2000ml 血話等報告使唔使輸血都一路都冇輸血，我而家都咁生猛都仲要等🥹好多人話英國順產完冇乜嘢可以即日出院。 到五點，我終於可以出院啦👍🏻 好多人都話英國帶BB出院，一定要有手提籃，但係我心諗唔係個個有車，如果冇車都唔會買個手提籃，好彩我入院前影定我個car seat 同帶埋bb車用睡籃，隔籬床阿媽同我一樣，護士就唔知問吓邊個之後就話可以出院，所以英國生BB嘅大家應該問定個醫院有冇話一定要手提籃先比出院。由於我流得太多血仲俾埋鐵丸我返去日日食之後等GP再驗血，佢仲同我講See you next year😂我話唔好啦太快驚驚，佢話我今次無咗咁多血，佢哋有記錄下次會做足準備😅 英國生仔日記