脷脷的故事 - 覺得有種緣份係冥冥中注定 執到脷脷其實係有一連串嘅巧合 11月24號夜晚同朋友慶生完返到屋企 發現唔記得帶鎖匙 坐咗喺樓下大堂等屋企人拎備用鎖匙俾我 跟住返到屋企之後發現借嘅充電寶唔記得還 所以帶埋屋企隻狗仔行去對面屋村嘅7–11還完 太懶行去海旁，就直接喺個屋村入邊散步 喺呢個時候有三個保安向我跑過嚟 我以為屋村唔俾放狗，佢哋想趕走我 點知個保安俾咗張相我睇， 入邊係一隻狗仔瞓咗喺箱度（圖2） 佢問我識唔識呢隻狗仔， 佢搵我係因為狗狗嘅顏色同我個女好似😂(圖3） 佢解釋咗俾我聽發生咩事， 搵咗幾層樓都冇人認識狗狗 所以佢哋喺屋村周圍搵人問 同時透露咗佢哋已經報咗愛協 好奇心驅使之下我行咗去佢講嘅嗰幢樓 有好多人圍住狗狗 話點解咁可憐俾人掉咗出街？都懷疑係走失。 由於擔心狗仔去咗愛護動物協會會有啲咩問題 我哋就扮主人，留低咗contact比保安 叫佢有咩事搵我哋 之後係各大走失平台出post搵主人 不過到而家都仲係未有任何人聯絡我哋 執到嘅第二日去咗睇醫生做咗一堆檢查 慶幸脷脷係一隻健康嘅小狗 仲要極度活潑🤣🤣 如無意外，脷脷就會成為我哋嘅屋企人🥰