落車幫忙 結果出人意料 前篇 上文講到，當天係去西貢工作，之後遇上壞車客人，發生一連串事件，再成功完成生意。 其實當天去西貢客戶府上見前一位客前，都係有一段「落車」嘅小故仔。 呢位客人從事自由工作，住喺壞車客人附近鄉村，係第一次買車。記得freelance 客人喺到陳列室試駕當天黃昏，天文台掛起3號風球，車外狂風大作，天地都蒙上一層泥黃色，試車途中，一個橙色垃圾桶突然被強風吹倒，滾出馬路，不過對我哋冇乜危險，我哋向前直駛就可以。 我擔心垃圾桶亂滾會整到其他人或車，於是請客人將車停低，落車，將垃圾桶扶正再推去一個不當風嘅位置，再繼續行程。 我返返上車之後，估唔到客人話：「我喺你身上感受到你係真心愛護呢個香港，我覺得大家都係一樣…」 (大概係咁嘅意思） （其實當時隻手板黑晒，都有啲尷尬） 最後試完車，客人覺得新車性能滿意，再加上有良好印象加持，就順利成功簽單。再之後，就係喺freelance 客人附近遇上壞車客人、發生之後嘅事情了。