1. 泡泡瑪特(POP MART)唔只係賣玩具，仲係一間以IP為核心嘅文化產業公司。目前係北京開設以IP佈局嘅遊樂園，成為一間「潮玩IP+文旅産業」嘅企業。 2. 產品以盲盒形式出售，通過限量發售等銷售方式增加產品嘅稀缺性同收藏價值。盲盒技術門檻低，利潤又高，解釋到點解咁多年嚟毛利率都喺近60%水平上。 3. 二次元周邊市場吸金力強，前瞻產業研究院數據顯示，2016-2023年，中國二次元產業規模由189億增至2219億人幣，複合增速42%。其中周邊衍生產業規模由53億增至1023億人幣，複合增速達53%。預計2023-2029年增至5900億人幣。 4. 「穀子(取自英文Goods譯音)經濟」，指以年輕人爲主嘅新興消費現象，主要圍繞二次元IP衍生出嚟嘅周邊。唔知係咪現今世代嘅人心靈愈來愈空虛，呢種自我價值體現同情感價值滿足，令二次元消費市場發展得好快。 5. 一個受歡迎嘅IP，生命周期可以很長。連帶推出一堆周邊商品吸金，經營一個成功嘅IP係可以好好賺。POP MART本身具IP優勢(隻Labubu近期hit到爆)，「穀子經濟」下，大家知點解隻股最近升得咁勁啦！popmart