人生故事 離家出走的故事 （11） ‍🦹‍♂️出番黎之後 有個感化官跟佢 每日限佢幾點前要番到屋企報到 我又由村屋搬番出黎同🦹‍♂️同居 嗰時佢話要洗革面做人 重新黎過 我都唔記得係要錢黎做咩 總之大概就係因為🦹‍♂️借過錢走過數 俾人黑名單左 最後我就聽左佢講 去左財務公司借錢 借錢真係無底深潭 同吸毒一樣 借左 就好難番轉頭 還唔到又借 借左又更加還唔到 喺度我奉勸各位 手緊 捱一捱 忍一忍 都唔好問財務公司借錢🙂‍↔️ 利息貴到hihi🤪試過還錢既人一定明 還既 好多都係息 唔係本金🥶 後尾我為左想賺多啲錢 低學歷又無咩選擇 就去左番酒吧 酒吧 人工比起做待應真係多好多 但其實又係用健康換番黎🫠 日夜癲倒 飲酒飲到嘔是經常的事 好似唔清醒比清醒既時候更加多🤯 番酒吧係好熱鬧既 見到最多唔同種類既人類 學習到觀察人類 同點樣同唔同種類既人溝通相處 飲多兩杯 個個都係朋友🤓 酒精仲可以暫時咁麻醉自己 而當時我努力番工搵錢還錢 🦹‍♂️就連工都唔番 努力用我啲錢 最後一係我番工時 佢打俾我叫我俾錢佢 如果唔係就掉我啲野出去 係同事們知道後一齊衝上去幫我揼7佢 幫我執晒我啲野 孭住條未還完既債 結束左🦹‍♂️既感情