"First Date" AA 定男仔比曬好？先唔講男仔自己定屋企有冇錢，我會覺得係AA。雖然我阿媽都係主張男仔應該 "gentleman" 啲比曬，但依然無改變到我嘅諗法。可能我好唔鍾意「男追女」依個概念，兩情相悅先叫愛情，所以從來無話邊個先係prize，兩邊都應該係平等。一開頭大家約出嚟就係想了解大家，我唔明點解男嘅突然會有責任去埋單。你話係因為以前社會風氣，男性通常係搵錢而女性養家。咁如果你要約定俗成跟返傳統，點解要跟啲唔跟啲，唔留返喺廚房煮飯洗碗？係咪只係想跟返啲淨係benefit 你嘅。你話男仔比曬會令男仔更吸引，女性原始本能就係想搵個「provider」，咁都啱嘅，不過嗰種唔會係我想搵嘅人。嗰種抱著「你應該比」嘅態度嘅女仔唔會down to earth得去邊。試諗下拍緊拖到結埋婚，你付出得幾多都好，換嚟一句「as you should」就當你老奉咁。或者你踏入人生底點，第一個離開你嘅就係佢，因為你「provide」唔到比佢。依種女仔你要嘅話，你可以拎去。可能唔係個個唔比嘅男仔都好似我咁分析，不過無論點都好，大家第一次見就要人請你食飯，你都幾厚面皮。 語氣惡咗少少，請見諒😅