深夜有感 純粹搵個地方發洩下 最近呢4個月，返工忙到痴線 因為突如其來嘅離職潮 一下子公司前前後後走左6個人 6個人嘅工作分比2個人做 我就係其中一個監粗被加工作量嘅人 我個人本著人人為我 我為人人嘅精神 冇所謂啦 都請緊人啦 當做義工幫下手，一做做左3個月都未見有署光 果然我真係入世未深 太天真 到今日終於見到請到1個人返嚟 點知係用嚟頂另一個同事嘅工作量 而我依然繼續係義工 我成晚嬲嬲地係到諗， 諗下諗下得出以下結論 如果覺得件事有問題， 有問題唔係件事到，有問題係喺我到 好似我去食海南雞飯，點解隔離枱有雞髀食 我得雞肉咁 係因為我冇要求 我都冇要求，咁做咩要比雞髀你 所以聽朝返到公司 一係你請返個人 一係你加我人工 一係我走 加錢要雞髀都唔得，咁呢間餐廳我唔食lu