今日就講下呢個籃球教練， 籃球人生路係點樣走過😏Part 1 呢張相係佢人生第一個三分個人獎項🏆 對佢黎講好有紀念價值同意思 仲記得以前細細個，第一班新認識的中學同學喜歡打籃球⛹️咁為咗同佢哋友好嘅關係，咁當然要參與一齊啦🙊心諗都唔知個籃球有咩好玩。成班男仔沖來沖去搶個波。又危險，又辛苦，我波又唔識拍，仲要跑到成身大汗、（當時我瘦猛猛，仲要帶住副金絲眼鏡，如果打波整爛咗，我真係唔使返屋企） 諗返起都幾黐線😂😂😂 中學籃球C grade 校隊選拔，咁好簡單啦，人做乜我做乜咪得囉😂天真的我，諗返都幾好笑，仲記得當時無走籃選拔😌 第一樣野考我地射三分。。。 What the …. 人生都冇射過3分波，點射呀。當然梗係要硬着皮頭啦！ 企係三分線，瞄準發射，連續射三球！ 輕鬆大針，係「輕鬆呀」用晒全力， 咩都掂唔到🙈 之後連續射三個籃底，呢個就冇問題， 三球全中☺️ 第二樣野，考立定跳高。 當然就會有啲師兄出嚟做示範啦！ 我當時無眼花，三個大C 師兄輕鬆掂框🙊 乜咁容易嘅咩？ 咁當時用咗全身ga力一跳。。。 輕鬆連個網都掂唔到😂😂 最後揀咗15個球員，究竟我入唔入選 下回分解⭕️