如果你公司有搞個啲同事交換聖誕禮物嘅經驗 你就會明我感受 話說好多年前FG第一份工(唔係呢度)嘅聖誕就搞office交換禮物🎁 我就買咗盒藍罐曲奇都覺得少伏㗎啦但志在有得食 咁就抽啦獎啦 我抽中咗一個老屎忽嘅禮物 咁當時就玩即場拆嘅 我一拆開係一個插電會有聲有燈嘅電動水晶球擺設 我拆完個老屎忽仲話：哈哈！我上年抽到但覺得好無用！ 我極度懷疑呢個電動水晶球唔係二手 應該都有四五六七八手 咁個下都要拎返去啦無理由當場dum 舊嘢又重又核突 仲要鬼死咁大個 返到屋企就唉是但插嚟睇下 又嘈又柒 DKLM 然後突然覺得個盒藍罐喺呢啲場盒係寶 有冇人有啲聖誕交換禮物嘅經歷🚬 聖誕禮物 個好核突嘅電動水晶球預想圖：