29/11/2024 今日是母校開放日，晚上陪朋友行了一逛。 經過某課室，覺得課室道門有點陌生；好奇之下，走了入去回憶一下。 期間同幾位同學交流了幾句，分享下自己以前讀書的經歷。 臨走前，有同學提議我地係黑板寫自己畢業年份，並留念拍照。 當我寫了之後，同學似乎有點驚訝。 是的。我畢業之年，就是同學出生之年。 時間過得好快，每隔幾年來開放日，個generation gap 就越來越明顯，物非人非既感覺越來越重。 中學讀書時代，複雜得來又夠簡單，前路滿有改變人生的奇點。一個又一個階段等緊解鎖。 現在我仍然會讀書，但不會讀得進取。 一來不能奢求讀書，像以前能夠為自己製造奇點。 二來人大了，對追求知識既興趣不大，反而係人性方面既自身體悟更加實在。 三來，身體已經唔容許自己長時間集中讀書。 最後有句心底話： 年輕人！珍惜一班同學一起讀書既時代啊！