第二回 - 動力 經歷過波士頓嘅熱血凱旋之後，對跑步難免失去左動力。從一個奮鬥幾年嘅目標當中釋放，身同心都唔知放去邊好。慶幸一直嘅跑步習慣從來冇停過。 其實波士頓前已經抽中柏林馬拉松。當時，都冇諗過如何看待依場比賽。既然柏林係當時世界紀錄既賽道，咁我都用一個突破240嘅心態去鍛煉。 練習幾乎冇作出任何調整，只係比賽前一個月，所有easy run 都以4分30秒步速內完成。自我感覺良好，只係整體對柏林既練習其實毫無激情，一切都為做而做。最速賽道以及加強左嘅訓練，今次本應係時候衝破界限，即使團火冇之前咁強大，但我對時間有住好大執念。 比賽前，同樣作出10公里以及半馬tune up races，本以為所有成績都會有所回報。可惜10公里同半馬都比前半年慢。對成績嘅憂慮連同因為加強訓練既疲累帶到德國。已經唔記得幾多個晚上因為腳痛而札醒。終於意識到我當時已經overtrained。 跑步 柏林馬拉松 英國生活