我依然堅持時間許可會煮晚飯。食外賣真係又貴又唔好食，加上希望可以食得健康啲清啲，所以做完嘢都要安排時間買餸洗洗切切備料等等（食完洗碗就交俾人分擔）。 真正停低休息時間真係唔太多。好嘅方面當然係收入多咗。差唔多每日都有工作，感覺比較踏實，有被肯定嘅感覺。 但係亦可能突然間增加嘅工作，例如有啲pet sitting job都可以好ad hoc，有時又幫手cover 吓其他老師嘅堂，體力精神未必一下應付到。 可能體力消耗一下子增加，睡眠時數就算冇乜減少，但身體好似復原唔切。 而且亦少咗自修meditation，教班等等其實好吸能量，所以精神狀態 energy level 有時都唔係咁好。有時都有 negativity，what if 工作增加真係只係暫時？咁下年點？今日個 energy 好似差啲，啲學生會唔會察覺？下個禮拜仲會唔會嚟上堂？有時會好多嘢諗。 所以我好珍惜可以去上瑜伽堂做返學生嘅機會。唔洗帶腦，可以 tune out 所有嘢，就係得老師嘅聲音、我自己同每一個動作。係補血嘅時候。 冇乜事，我依家去食晏，然後今晚又可以去上堂！開心 😃 倫敦生活