新工作 完成咗個大project，心情愉快。 同事同我講：「記得番工唔好唔開心。」 我同番佢講：「唔會唔開心，底氣夠。」 突然覺得，原來我都真係番得幾順心。 縱使文化同制度都奇奇怪怪，高層又膠吓膠吓，但神奇地我又叫做幾自如。 好記得，大概十年前嘅自己，覺得畀人逼自己做好多唔想做嘅嘢，好多嘢殺埋嚟，吃力不討好云云，懷疑會唔會成世都係敢樣番工。 然後，突然地或者漸漸又不自覺地，可以自在面對所有嘢，工作就算愈嚟愈多都好，都唔會再覺得搞唔掂、畀人逼、做唔到。 細個時睇《牧羊少年奇幻之旅》，呢本書名句大概係「只要你想，全世界都會嚟幫你完成。」 So true。我依家都好想寄語畀為咗份工struggle 嘅你哋，幾難幾大壓力嘅嘢，總會過去，總會完成。 工作不是生命，真係夾唔嚟，一定有退路，搵過份，休息再出發。