伏工分享🚨3 屋企白事但冇得拎恩恤假 我哋有個資深同事，平時見佢同腦細都好friend有傾有講，一直都以為係推心置腹嗰啲 早排個同事阿媽走咗，言談間先知原來腦細一直都冇放過恩恤假俾佢，淨係批佢啲例假同大假，當時佢自己去緊旅行，返嚟仲要話9個同事呢度安排不當嗰度冇處理好👹👹👹👹👹 涼薄如此，我哋都好無奈 諗返起入職嘅時候口頭講過有恩恤假，但原來合約係冇 同事事後都費事追討，諗住幫新入職同事爭取返加落合約，點知腦細好大反應，佢話三日太多，咁同事話兩日啦，腦細就借啲意話現職同事份合約都冇寫，如果新入職同事有呢個福利驚大家覺得唔公平，寧願之後一次過加 事發至今已經過咗幾個月，當然大家份合約都係冇任何變動🤨 細公司唔一定有呢啲假期，但話晒嗰個同事真係仆心仆命幫佢辦事，成日OT受佢氣幫佢食晒啲豬頭骨，仲要係簽約嗰陣口頭講過有但最後反口 問心嗰句，良心過唔過意得去？ 佢應該過得去，因為佢冇