我為甚麼當了 uber 司機？ （一） 本身任職左多年企業常註 IT 狗，作為團隊中其中一粒齒輪，冇乜野心，只係想準時返工放工。捱左10 年，因為份人易話為，慢慢升上中層，亦都擁有人生第一部新車。 同好多經濟歷史巨浪一樣，每次公司要裁人，IT 部門總係首當其衝，小弟亦係其中一員。講真去到我呢個年紀又身處尷尬嘅中層位置，之前又懶讀證書，基本上好難再搵工。自己又有啲自尊心，唔係好想周圍問工。見自己有架車慢慢就萌生做 Uber 呢個念頭，極不情願下拎自己架車出來服務大家。 唔經唔覺已經做左超過一年，我諗係時候好好記錄這段奇妙人生經歷。內容分享我會試從唔同角度試試大家反應，想知咩亦可以留言話我知。