細個個住寶琳新都城 個陣新都城有好大個池塘 仲有好多假嘅樹 裡面有龜有魚 有木橋 頗有小橋流水人家之感 麻雀仔會係度飛黎飛去 食啲人跌落地下嘅嘢事 個陣覺得呢個商場真係好型 不過有一日突然間就拆嗮 變返個普通商場 原來新城市個 snoopy land 仲係度 其實真係好靚好特別 希望佢長做長有 唔好咁快消失 香港最擅長嘅就係將好多有特色嘅嘢殺死 不過或者改變都係城市嘅必經階段 係歷史脈絡黎 一定要接受 不過我都係會非常 非常掛住新都城嘅龜 錦鯉 麻雀 同埋細個無憂無慮 會係一個池塘嘅木橋上面扮大長今嘅歲月