第四回 - 信念 自從一個人生活之後，日常習慣不單止冇變得靡爛，反而因為要照顧好自己起居飲食，每日嘅行程更加規律。起身返工，放工跑步，然後煮飯，再每晚去做兩三個鍾外賣師。幾乎每日如是，又成為一個新習慣。 練習上，基本上回復原有強度，冇再刻意加快easy run 步速。反而每星期tempo 都係以半馬比賽時間為基準。更加規律既生活，更加純粹嘅練習，飛往芝加哥前原本以為可以係Great North Run 測試成果，可惜熱浪來襲，只能夠跑到移英而黎最慢既半馬時間83分。 再次黎到美國，天氣大約係8-15度，亦冇翻起大風，絕佳既天氣。比賽當下早餐有少少食多左，腹腔些微不適。由於一起步就走入隧道，手錶嘅GPS由頭一公里就唔太準確，稍稍打亂我心情。不過日子有功，今次賽前嘅休息安排得宜，頭五六公里雙腿就回饋我強烈訊息。所有打亂節奏既事情，十公里過後經已消失。一早以快於三分四十五秒步速前進。 Comment 續 RunningThreads