以前入行寫code，好多大前輩都話學寫code係無捷徑，必須由最基本學起 (近年興起嘅AI幫手先排除在外，因為搵AI寫完嘅未必會睇返再學返基本) 以前上網未發達，好多電腦、IT、寫code嘅知識都係睇書學返來 但睇書呢，其實真係一件好考耐性嘅事，本本電腦書都成3幾吋厚，多字果啲又特別悶，所以我通常都揀啲多圖嘅 但台灣出嘅電腦書普遍都幾多字、英文嘅亦一樣，所以我有時會揀啲日本出嘅嚟睇，因為啲圖夠多，又夠簡潔，即使睇唔明日文都明到個logic 尤其係啲圖鑑類，真係簡單易明好多 圖中呢兩本係演算法同ML嘅圖鑑，都已經出咗中文版，有興趣嘅可以搵嚟睇下 非廣告，所以唔會呃你撳link (我當年考aws devops 都係睇日文書學，step by step咁逐張圖list好晒跟住做，有時仲好過睇片)