各位趣友 今日想同大家分享我嘅故事 小弟屋企住公屋 父母都係普通打工基層 老豆以前跟風學人玩股票 期指輸到欠債纍纍 中學畢業之後我出黎做嘢 大概做左3年幾 幫手一齊還錢 最後終於解決左d債務 果陣拍緊拖 前女友係F4就開始一齊 畢業之後佢去左讀大學 我就無咁嘅條件 本身大家都相安無事 直到佢識左個有錢仔同學😮‍💨 小弟185都算見得下人所以我ex都唔差 個有錢仔知佢有男朋友 都照樣積極去追求佢 仲記得佢生日 我用僅餘嘅錢同佢一齊去迪士尼 之後食左餐酒店自助餐 送左條施華洛世奇嘅頸鏈俾佢 但係轉個頭 人地送左個4萬幾蚊嘅Chanel袋俾佢 仲渣車帶我ex周圍去玩(佢瞞著我 我後尾睇佢電話先發現)果左無耐 佢就同我分左手 分手無耐就睇到佢ig同個男仔一齊左 成日去食好嘢 去旅行 買名牌 我第一次體會到呢個世界嘅現實 我以為愛情一個愛你嘅人 係唔會俾呢d嘢去影響到 但係我唔怪佢 我怪自己 怪自己無本事 怪自己無錢 但係真係好無力好難過 因為我以為慢慢捱過去 我可以同佢結婚 有未來 我真係好愛佢😮‍💨 (未完待續) 香港部署哥