(承上文) 仲記得分手果日 我好平靜 佢話同我一齊見唔到將來 我祝福佢去追求佢美好嘅將來 但係返到屋企我真係喊到撕心裂肺 用左好耐先行返出黎 因為我真係好愛佢 但係我知我愛你呢句說話係留唔住任何女人 因為係現實面前 面對條件更好嘅男人 係好無力 不過我都好多謝佢 如果唔係因為呢次經歷 我對金錢嘅渴求同野心唔會膨脹得咁快 咁堅定 我開始思考點樣去搵錢 去學習創業 投資 但係奈何自己無任何本錢去開始 於是我開始返2份工 日日都係屋企帶飯 將消費慾壓榨到最低同時我都開始去睇名牌 名車 名錶令自己知道辛苦去捱 係為左賺更多嘅錢 咁樣嘅生活持續左3年 我終於儲到一筆啟動資金去開始我嘅創業投資計畫 3年又3年 由幫老豆還債到我自己有一筆儲蓄 我失去左太多 付出左太多 就係18年嘅聖誕夜 我望住塊鏡同自己講多謝你 你要加油 終於可以去做自己想做嘅事 雖然前路係未知 有機會回到解放前 有機會輸到貼地 有機會一世都係咁過 但係你要相信自己 就算輸都要輸得精彩 輸得轟烈 於是我開始我嘅創業之路 (未完待續) 香港部署哥