第五回 - 壓力 收復左第一次sub240 之後，有一種自覺自己已經唔係普通跑者，起碼對於香港人黎講。仲有冇能力繼續突破呢？！好似要再快已經非常艱難。接落嚟嘅半年，略為有啲攰。練習上已經冇特別求進，都係繼續之前既練習。當然，感覺上越嚟越輕鬆，每次tempo 都可以跑到3分40步速，而係練習冇任何補給嘅情況下，我半馬距離嘅時間只係較之前PB 慢10秒，係比賽環境一定可以再PB。 當下能力已經比早兩年更強大，反而門檻越嚟越高。難免又進入自我質疑。連同芝加哥馬拉松，我已經跑過八場馬拉松。亦都八次都係PB完成，依個紀錄唔想冇左，所以東京馬拉松一定要更完美無瑕。因為有追求，對自己所有野都更講究。戒酒兩個月，以及禁慾半年以上。無論生理抑或心理我都要自己係巔峰狀態。 亦因為更高嘅要求，東京依趟旅程我變得好大壓力。極低調處理，有朋友詢問我比賽號碼亦被我拒絕答覆。偶像包袱都慢慢形成。過往比賽前，睡眠質素一般都比較差，不過，今次直程全晚冇瞓。 Comment 續 RunningThreads