001 買屋的探討 開始有買屋嘅討論係因為佢想要小朋友 因為佢身邊嘅朋友個個已經成家立室 覺得自己落後好多（佢34） 佢問我幾時生 我覺得生仔係有個過程嘅 求婚、結婚、同居、相處、備孕、生 而我同佢呢家只係男女朋友 我唔識跳step答佢 由於佢覺得我唔急 所以上禮拜提過分手 我地拍拖一年幾 只去過佢屋企同佢父母食飯1次 我有叫佢多安排 佢成日以我忙為由推託 雙方父母當然亦係未見過面嘅 一個月前佢問我有幾多錢可以拿黎買樓 我當時嘅觀念係係倫敦買屋如果冇父母幫忙咁選擇少好多 所以問佢不如睇下大家父母點睇 佢覺得我地應該自力更新 我覺得父母唔係奉旨要幫忙 不過如果可以先問下 咁至少我地知道大家父母點諗 就算金錢上幫唔到 都會有其他經驗分享 分歧1： 我：佢出到幾多我就出幾多 因為男女平等 一人一半好正常 佢：點解要一人一半 點解唔可以我出多d（我人工高過佢） 分歧2： 如上一篇所講 佢拒絕父母借錢俾佢嘅offer 但叫我問我父母借 再次感謝大家咁有耐性睇我寫嘅嘢同俾意見我 人無完人 佢有做得唔好嘅地方 我都係 我主要會寫一d我理解唔到佢邏輯嘅事 同大家一齊探討同分析下 多謝大家！