忍唔住🙏🏻 先唔講嘈音問題了😇😇 衛生問題我都講左無數次了，唔計個d擺一個星期都無人清理嘅垃圾，我真係接受唔到。 - 無拿拿搞市集完全無通知租客😂 我後尾問佢，佢話佢哋派人敲門同我哋宣傳咗，不過冇人應門所以未能成功傳遞訊息🙏🏻佢話佢地表示遺憾😂😂😂😂（我：2024年要飛鴿傳書嗎？我識用WhatsApp😀同埋唔係要你宣傳，係你應該通知聲？） 而家唔係唔俾你哋搞活動，但係唔係搞到個地方七國咁亂，周圍都係嘢，周圍都係垃圾，所有嘢都唔完善又唔專業，好似睇住你地玩煮飯仔咁🙏🏻我地打開門做生意，你地嘈都算….又亂又迫又污糟，叫我地d客上到黎點諗？我自己見到都不適😀 - 不過其實講黎都無用，因為嘈音都講左好多次。 琴晚先又拍完門叫佢地靜少少😇 我唔明點解可以成日都咁嘈，好困擾好擾民 嬲到笑岀聲😂😂😂 不過呢幾個月我好多客都已經習慣了😇 - 廁所滲水漏水講咗咁多次，話處理話跟進，等又改期，最後終於有師傅整，整完之後無幾日又成地水。第一晚冇小心地滑牌，行入去又暗，一個唔小心差少少跌咗喺度，好彩同事一齊行有人扶住。 然後即刻同業主嗰邊反映咗，佢哋話會跟進，過兩晚更加嚴重嘅水池，我又再搵佢哋，又話會跟進😇