非影評 冇劇透 不過如果好似我咁 好重視跟住電影個鋪排去感受 就建議碌走～ 最近係戲院睇咗幾次《破·地獄》預告 其實我完全冇認真睇個預告係咩劇情 （純粹我唔鍾意任何劇透😂連預告都唔想睇） 淨係覺得好靚好靚 入場聽戲院音響播林家謙唱主題曲都抵 然後琴日睇 試當真謝票場 先知今日係上映首日 咁啱今日放假就決定要今日即刻睇 睇到中間明白點解黃子華會話：會睇到自己 生老病死 到底破地獄係超渡死人定係超渡生人 睇到最後，我個腦不停諗起《年少日記》 佢地帶比我嘅感受好接近 都係平伏唔到嘅情緒 都係一個結 然後所有角色我都好鍾意 每個角色都好似一個人 一啲真實存在但又未必真係存在嘅人 特別想提嘅係 本身我以為又係個種女角唔重要又冇戲份嘅故事 好多謝個結果唔係咁 我諗我仲會睇多幾次 同埋要把握 可以係戲院聽主題曲《普渡眾生》嘅時間 唔係特別話超鍾意林家謙 但呢首歌係耳仔嘅享受 同埋The Last Dance呢個名都好靚 同埋我拎唔到張A5海報想喊ಥ_ಥ